फिचर

फेस्टिभलमा पुरस्कृत ‘हल्कारा’वैशाख देखि प्रदर्शनमा

avatar
Cine Desk

An editor at cineSaptahik


  • March 10, 2023
  • 276 पटक पढिएको

काठमाडौं– आगामी वैशाख २९ गतेदेखि नेपाली चलचित्र ‘हल्कारा’ प्रदर्शनमा आउने भएको छ l निर्माण टिमले चलचित्रको टीजर पनि सार्बजनिक गरिसकेको छ l मुख्य पात्र महेश त्रिपाठीको न्यारेसनमा बगेको टीजरले सशक्त दृश्य भाषा र उही स्तरको कलाकारको अभिनयको छनक दिएको छ ।अमेरिकामा नै बसोबास गर्दै आइरहेका विक्रम सापकोटाको लेखन तथा निर्देशन रहेको फिल्ममा महेश त्रिपाठी र बिनिता थापामगरको मुख्य भूमिका रहेको छ ।यो चलचित्र अमेरिकाका विभिन्न फेस्टिभलमा पुरस्कृत भएको थियो lसाथै ‘हल्कारा’ अमेरिकाको वर्ल्ड फेस्ट ह्युस्टन फिल्म फेस्टिभल उत्कृष्ट फिल्म घोषित भएको थियो भने यसका मुख्य अभिनेता महेशले उत्कृष्ट अभिनेताको अवार्ड जितेका थिए ।यसैगरि फिल्म नेपाल–अमेरिका फिल्म फेस्टिभलमा ‘लङ न्यारेटिभ’ विधामा पुरस्कृत हुन सफल भएको थियो भने बाँकी अन्य फेस्टिभलमा पनि छनौट भएको थियो ।

यो फिल्ममा महेश र बिनिताबाहेक, उमेश तामाङ, पशुपति राई, स्व. दीपक क्षेत्री, विद्या कार्की आदि कलाकारको अभिनय रहेको छ ।फिल्मलाई विक्रमसँगै विप्लप प्रतीक र आकाश बरालले मिलेर लेखेका हुन् । चिन्तन राजभण्डारीको छायांकन रहेको फिल्मलाई कालीपार स्टुडियो र आइसफल प्रडक्सन मिलेर निर्माण गरेका हुन् । फिल्मको सम्पादन पनि विक्रम स्वयंले गरेका हुन् । फिल्मलाई काठमाडौंमा जीजीए ग्रुप र डीसीएन मिलेर वितरण गर्नेछन् भने काठमाडौँबाहिर एफडीले फिल्मको वितरण गर्नेछन् ।

Facebook Comments