विद्यालय द्वारा आयोजित गाईजात्रा महोत्सव सम्पन्न

काठमाडौं :  द भेलोसिटी स्कुलको आयोजनामा भएको गाईजात्रा महोत्सव २०८० समापन भएको छ । महोत्सवको प्रमुख अथिती कागेश्वरी मनहरा नगरपालिकाका मेयर उपेन्द्र कार्कीले पानसमा दिप प्रज्वलन गरेर उदघाटन गरेका थिए । उदघाटन पछी महोत्सवलाई सम्बोधन गर्दै मेयर कार्कीले द भेलोसिटी स्कुलले विध्यार्थीकालागी सधै केहि न केहि नया कुरा सिकाउने गरेकाले नै सबैको रोजाइमा परेको बताए ।महोत्सवमा चर्चित गायक भोजराज काफ्लेले आफ्नो प्रस्तुति राख्दा धेरैले नाचेर मनोरंजन लिएका थिए । त्यसैगरी कार्यक्राममा जादूगर राजेन्द्र गिरिले नृत्यका साथ देखाएको जादुले धेरैको आखा चिम्म समेत नभएर हेरेका थिए l साथसाथै स्कुलका नानी बाबूहरुले पनि नाटक, नाच र गित प्रस्तुत गरेका थिए ।

महोत्सवमा विभिन्न तहका विद्यार्थीहरूले आफ्नो प्रस्तुतिहरू प्रस्तुत गर्नुका साथै सांगीतिक प्रस्तुति समेत प्रस्तुत गरेका थिए । स्कुलका विद्यार्थीहरूले नाटक, नाच र गितका साथै म्युख्य आकर्षण नाटक ‘यमराज भर्सेज पापीहरु’ रहेको थियो  ।यस नाटकलाई लेखन तथा निर्देशन रंगकर्मी  सुरेन्द्र क्षेत्रीले गरेका हुन् ।नाटकमा अहिलेको राजनीति गर्ने नेताहरुलाई व्यंग्य गरिएको थियो । संस्कृतविद योगराज सापकोटाले, ‘पछिल्लो समय हाम्रो परम्परा रितिरिवाजहरू नष्ट हुदैँ गइरहेकाे परिपेक्षमा हामीले सम्पूूर्ण जातजाति, धर्मावलम्बीहरूको पर्वहरूलाई आत्मसात् गर्न आवश्यक रहेको बताए ।’

द भेलोसिटि स्कुलका प्रधानाध्यापक रेखा खनालले, महोत्सवको अन्त्य गर्दै आगामी दिनमा यस्ता कार्यक्रमहरू गर्न आवश्यक रहेको र यसले सबैको दक्षता क्षमता प्रस्तुत सहित आफुभित्र लुकेर बसेको प्रतिभा प्रष्फुटन हुने बताइन । उनले, स्कुलले हरेक बर्ष गाई जात्रा महोत्सव गर्दै आइरहेको र यसले आफ्नो देशको कला, संस्कृति र परम्परालाई बचाई राख्न महत्त्वपूर्ण योगदान पुर्याउने हुँदा यस्ता महोत्सवहरू आयोजना गर्न आवश्यक रहेको बताइन ।महोत्सवमा आफ्नो क्षेत्रमा योगदान दिएका  कलाकार तथा मिडियाकर्मीहरुलाई सम्मान स्वरुप मायाको चिनो प्रदान गरिएको थियो ।