भारतको उडिसामा नाटक ‘बिसे नगर्ची’ मञ्चन

भारतको उडिसामा आयोजना भएको नाटक महोत्सवमा दर्शना स्कुलका विद्यार्थी भाइ बहिनिहरुले भदौ २२ गते ‘बिसे नगर्ची’ मञ्चन गरेका थिए । भिमनिधी तिवारीको नाटकलाई रंगकर्मी सुरेन्द्र क्षेत्रीले निर्देशन गरेका छन् l राजा पृथ्वीनारायण शाहले नुवाकोट आक्रमणमा भोगेको लज्जास्पद हार र अब के गर्ने , के कारणले हारियो, अब के गर्दा ठिक होला आदि जस्तो युद्द रणनीतिलाई नाटकमा देखाएको थियो । नाटकमा पृथ्वीनारायण शाहको भुमिकामा बिश्वास उलक ज्यवलाले अभिनय गरेका थिए भने निकेश पौडेलले बिसे नगर्चीको भुमिकामा अभिनय गरेका थिए l साथै नाटकमा आभास दाहाल , सगर पौडेल , सुदिप माझी , प्रकाश कार्की , आरुशी श्रेष्ठ, रोशनी खड्का , सम्पदा सिह रिमाल , रिद्धी पौडेलको समेत अभिनय रहेको थियो ।

‘आफ्नो देशको इतिहास अरुलाइ देखाउन पाउँदा सार्है गर्ब महशुस भएको निर्देशकको भनाइ रहेको छ । महोत्सवमा नाटकलाई सबैले रुचाएको र अभिनयको सबैले तारिफ गरेका थिए । प्रिन्सिपल बिनोद थापा मगरको भनाइ अनुसार दर्शना स्कुलले आफ्नो विद्यार्थीलाई किताबी किरा मात्रै नबनाएर विद्यार्थीहरुको सीप र क्षमतालाई पनि उचित कदर र मूल्यांकन गर्दै नाट्य महोत्सवहरुमा हरेक बर्ष विद्यार्थीलाई सहभागी गराउने र विद्यालयले हरेक बर्ष राष्ट्रिय तथा अन्तर्राष्ट्रिय नाटक महोत्सवहरुमा सहभागीता जनाउने भएको छ ।