भक्तबीर सिंह टि-१० इन्डोर क्रिकेट प्रतियोगिता आयोजना हुदै
काठमाडौं । कटियालाहाउस प्रालिको आयोजनमा भक्तबीर सिंह इन्डोर टि-१० क्रिकेट च्याम्पियनसिप साउनको
अन्तिम साता आयोजना हुने भएको छ । ‘वर्षायाममा पनि क्रिकेट ‘ भन्ने मूल नाराका साथ् संचालन हुन लागेको च्याम्पियनसिपको पहिलो संस्करण आगामीसाउन २२ देखि शुरु हुने एक कार्यक्रमका बीच जानकारी गराइएको छ ।
प्रतियोगितामा कुनै पनि क्लब तथा समूहले खुला रुपमा भाग लिन सक्नेछन् । नेपालकै सर्वाधिक पुरस्कार राशी भएको उक्त प्रतियोगितामा विजेताले एक लाख असी हजार र उपविजेताले असी हजार नगद, ट्रफि,
प्रमाणपत्र र मेडल पाउने आयोजकले सो कार्यक्रममा बताए । आयोजकका अनुसार प्रतियोगिताका सर्वोत्कृष्ट खेलाडीलाई दश हजार, उत्कृष्ट ब्याटस म्यान र बलरलाई जनही पाँच हजार तथा प्रत्येक खेलका प्लेयर अफ द म्याचलाई एक हजार नगदले पुरस्कृत गरिनेछ ।
खेल काठमाडौँ रातोपुल स्थित भेलोसिटी इन्डोर क्रिकेट मैदानमा हुनेछ l यस प्रतियोगिताको क्वाटर फाइनल, सेमी फाइनल र फाइनल खेलको प्रत्यक्ष टेलिभिजन द्वारा प्रसारण गरिनेछ l कार्यक्रममा प्रतियोगिताका प्रमुख अतिथि तथा राष्ट्रिय क्रिकेट टोलीका पुर्व सदस्य सुवास खकुरेल, निर्देशक ज्योती भन्डारी, कोअर्डिनेटर दीपेन्द्र भुषाल , टेक्निकल डिरेक्टर रविन्द्र गुप्ताको उपस्थिती रहेको थियो ।
Facebook Comments
Recent post
चलचित्र ‘रकम’ को गित सार्वजनिक
टिकटके गोर्खेको भाइरल हुने सपना
‘डोरी’ ले तन्कायो चलचित्र बजार
`भुठान´ को `कागजको खोस्टो´ सार्वजनिक
