गायक सुरेश शाही संगको वाद सम्बाद

लामो समय देखि सांगीतिक क्षेत्रलाइ आफ्नो कर्मथलो बनाउदै आउनुभएका गायक सुरेश शाही लोक देउडाका एक परिचित नाम हो l लगभग २० बर्ष देखि निरन्तर सुदुर र  मध्यपश्चिमका  भाषा, संस्कृतिलाइ गितका मध्यमबाट संग्रक्षण र प्रवर्दन गर्दै आउनुभएको छ l गित लेखन, संगीत र गित संयोजनमा पनि उतिकै दखल राख्नु भएका शाहीका चर्चित गितहरु मध्ये ‘चल गोबिन्देले अहिले बजार तताई रहेको छ lसुरेस शाही युट्युब च्यानेल बाट प्रसषण गरिएको  ‘चल गोबिन्दे’ गित ले १५ लाख हाराहारीको भ्युज संकलन गर्न सफल भैसकेको छ l  ‘चल गोबिन्दे’ को अपार सफलता पछि सुरेश शाही लगतै  नयाँ म्युजिक भिडियो बजारमा ल्याएर आउदै हुनहुन्छ l सोहि म्युजिक भिडियोका बारेमा केन्द्रित रहेर सिने साप्ताहिकले सुरेश शाही संग गरेको कुराकानी प्रस्तुत्  गरिएको छ l

‘चल गोबिन्दे‘  एकदमै भाइरल  भएको छ  अब आउन लागेको ‘शहर जस्तो शहर छैन, गाउँ जस्तो गाउँ छैन ‘ बोलको गीत बजारमा ल्याउदै हुनुहुन्छ  सफलता प्राप्तिमा कतिको  विश्वस्त हुनुहुञ्छ ?

 ‘चल गोबिन्दे’ को आफ्नै विशेषता थियो ,  ‘शहर जस्तो शहर छैन, गाउँ जस्तो गाउँ छैन ‘ जसलाई हामीले ‘एमटी नेशन अथार्त रित्तो देश’ नाम राखेर एउटा छुट्टै किसिमको म्युजिकल सिनेमा बनाउने प्रयास गरेका छौ l जुन भदौ ३० गते मेरो आफ्नै युट्युब च्यानेल बाट बजारमा आउदैछ  l यसको आफ्नै विशेषता छ l  पहिलाको काम भन्दा यस पटक अलि फरक तरिकाले भिडियो लाइ पस्कने  प्रयास गरेका छौ  l रह्यो कुरा सफलताको यो त् नितान्त दर्शक श्रोताको हातमा छ l

गीतको बारेमा केहि भन्दिनुस न l

लोक ठाडी भाका टिपिकल मध्यपश्चिम र सुदुरपच्श्चिम क्षेत्रमा गाइने भाका हो  गितलाइ डा राजेन्द्र भट्टले लेख्नु भएको हो l यसको  स्वर,संगीत  र संगीत संयोजन  मेरो  आफ्नै हो l मारुनी स्टुडियो काठमाडौँमा गीतको रेकर्ड भएको हो l  गित बनिसके पछि भिडियोको जिम्मा निर्देशक  शेर शाहीले लिनुभएको हो l गितले  हाल  देशको  परिस्थिति बारे बोल्छ र भिडियोमा पनि हामीले तेही देखाउने प्रयास गरेका छौ l बाकि भिडियो हेरे पछि थाहा भैहाल्छ l

म्युजिक भिडियोमा कलाकारहरु को को हुनुहुन्छ ?

भिडियोको पार्टमा  प्राय सबै थियटर पृष्ठभुमिबाट आएका कलाकारहरुले सहयोग गर्नुभएको छ यसमा मेरो भूमिका पनि देख्न सक्नु हुनेछ l केहि नाम लिनुपर्दा  बरिष्ट नाट्यकर्मी  विजय बिष्फोट, डा दलिप कुमार मल्ल, नारायण बिक , निर्मल साउद , दुर्योधन बस्नेत, बिनोद पौडेल l त्यस्तै गरि छायांकन मानाशी किरण को रहेको छ भने  भिडियो सम्पादन मिलन बिक्रम शाह ले गर्नु भएको छ l

भिडियो हेर्दा   धेरै  खर्च गर्नु भए जस्तो छ भिडियो निर्माण गर्न कति बजेट लाग्यो ?

खर्च र समय दुवै लाग्यो  यसको शुटिंग नै सक्न ३ दिन लग्यो त्यसपछि पोस्ट प्रोडक्सनमा त्यस्तै समय लाग्यो बजेटको बारेमा कति खर्च कति लाग्यो भनेर हिसाब किताब निकाल्न बाँकि छ  अर्को हप्ता थाहा हुन्छ  जे होस् खर्च भएको छ l

अन्तिममा सिने साप्ताहिक मार्फत दर्शक श्रोतहरुलाई केहि भन्न चाहनुहुन्छ ?

दर्शन श्रोताहरुको लागि पहिला झैँ यो पटक पनि सांगीतिक कोशेली तर फरक ढंगले पस्कने प्रयास गरेको छु  माया गर्दिनुहोला l फेरी पनि यस्तै यस्तै किसिमका आफ्ना गाउँ ठाउंका गीत संगीत लाइ जगेर्ना गर्ने कोशिस  गर्नेछु l  तपाइँहरुको साथ, सल्लाह र हौसलाको अपेक्षा राख्दै  भदौ ३० गते रिलिज हुन लागेको म्युजिक भिडियो  रित्तो देश लाइ हेरेर सक्दो शेयर, कमेन्ट गरि माया गर्दिनुहोला भन्न चाहन्छु l