`भुठान´ को `कागजको खोस्टो´ सार्वजनिक

आगामी बैशाख १२ गतेबाट प्रदर्शनको तयारीमा रहेको फिल्म ‘भूठान’को पहिलो गीत ‘कागजको खोस्टो’ सार्वजनिक गरिएको छ । गीतमा पुष्पन प्रधानको गायन तथा संगीत र नवराज पराजुलीको शब्द रचना छ । गीतको भिडियोमा अभिनेता हरिवंश आचार्यको जीवन्त अभिनय देख्न सकिन्छ ।

विनोद पौडेलको निर्देशनमा तयार भएको फिल्ममा हरिवंशका साथै हलिउड अभिनेता ब्रुस डर्न, दयाहाङ राई, अनुराधा मजुमदार, पूजा चन्द, ऋचा घिमिरे, जोएस पाण्डे, अदिती प्याकुरेल, टम क्रेन, विमल सुवेदी लगायतको अभिनय छ । फिल्मको निर्माताहरुमा अविरल थापा, राजेन्द्र ठकुराठी, अमिताव जोशी, सुशांक मैनाली र किर्तना बाँस्कोटा रहेका छन् ।अंग्रेजीमा ‘द वर्ल्डस् ह्याप्पिएस्ट म्यान’ नाम राखिएको फिल्ममा अन्जय खड्काको सम्पादन, सम्बरन प्रेथु राईको संगीत र भारतका प्रख्यात कला निर्देशक अन्जन गजुरेलको कला निर्देशन छ ।