टिकटके गोर्खेको भाइरल हुने सपना

भर्खरै सार्वजनिक भएको चलचित्र भाइरल गोर्खेको टिजरमा सौगात मल्ल भाइरल गोर्खेको भूमिकामा रहेका छन् l गोर्खे नायक शिव श्रेष्ठको फ्यान रहेको हुन्छ र टिकटक स्टार भएर नाम कमाउने सोचमा गोर्खेको विभिन्न क्रियाकलापलाई कमेडी शैलीमा प्रस्तुत गरिएको छ l पात्रले भाइरल हुन लाई के के गर्छ र साच्चिकै भाइरल भएरै छाडछ त ? त्यो थाहा पाउन लाई चलचित्र लाई नै कुर्नु पर्ने हुन्छ l निगम श्रेष्ठ निर्देशित फिल्म ‘भाइरल गोर्खे’को टिजर सार्वजनिक भएको छ । जेठ ३० गतेदेखि प्रदर्शनमा आउन लागेको ‘भाइरल गोर्खे’को टिजरले भाइरल मोहको कथालाई प्रस्तुत गरेको छ । अरुको देखासिखी गर्दै टिकटकमा भाइरल हुने दौडमा सौगात मल्लको संघर्ष लाई टिजरमा देखाइएको छ l पछिल्लो समय सामाजिक सञ्जालमा भाइरल हुन जुनसुकै हर्कत गर्ने प्रवृत्तिमाथि फिल्मले व्यंग्य गरेको टिजरले संकेत गर्छ । सौगात र सृष्टिबीचको दृश्य पनि टिजरमा समेटिएको छ, जसमा उनीहरु एकअर्कासँग घनिष्ट देखिन्छन् । टिजरमा चर्चित पत्रकार ऋषि धमलालाई पनि देख्न सकिन्छ ।

निर्देशक श्रेष्ठ स्वयंको लेखन रहेको फिल्ममा सौगात, सृष्टि र ऋषिसहित बुद्धि तामाङ, लक्ष्मी गिरी, राजाराम पौडेल, विकास लामा, सपना चौधरी, ध्रुव थापा, सुनिल तामाङ लगायतको अभिनय छ । निर्देशक श्रेष्ठका अनुसार भाइरल प्रवृत्तिको पछि लाग्दाको प्रभाव र असरको परिणामलाई फिल्मले देखाउनेछ । ‘छड्के’, ‘छड्के २’ र ‘लालपूर्जा पछि उनको निर्देशनमा बनेको यो चौंथो फिल्म हो । जिएमआई फिल्मस् र निर्भाना फिल्म स्कुलको ब्यानरमा विशाल ताम्राकार, केवल जंग कुँवर र महेश लामिछानेले फिल्मको निर्माण गरेका हुन् । फिल्मको सह-निर्मातामा भुवन अधिकारी र निखिल पौडेल रहेका छन् । यसमा अमर महर्जनको डिओपी तथा सुरज महर्जनको सिनेमेटोग्राफी छ भने रवि चौधरी र भीम विश्वकर्माको संयुक्त सम्पादन तथा अमित श्रेष्ठको साउन्ड डिजाइन रहेको छ ।